ТОШКЕНТ, 27 дек — Sputnik. Қишки таътилда мактаб ўқувчилари учун онлайн олимпиадалар ташкил этилади. Бу ҳақда Халқ таълими вазирлиги хабар берди.
Қайд этилишича, онлайн олимпиадалар oo.uzedu.uz тизимида 28 декабрдан 5 январга қадар ташкил этилади. Мазкур тизимда ташкил этиладиган онлайн олимпиадаларда рўйхатдан ўтган ўқувчиларни мактаб томонидан тасдиқланиши бекор қилинди.
“Эндиликда исталган фойдаланувчилар тизимдан рўйхатдан ўтиб онлайн олимпиадаларда иштирок этишлари ва ўз билимларини синаб кўришлари мумкин”, дейилади хабарда.
Ўқувчилар олимпиадаларда кун давомида соат 10:00 дан 19:00 га қадар иштирок этишлари мумкин.
Онлайн олимпиадалар тақвими
© Халқ таълими вазирлиги
Олимпиада натижалари ва QR-кодли иштирокчи сертификатларини куриш ва юклаб олиш жараёни соат 23:00 дан кейин бошланади.
Онлайн олимпиадаларда иштирок этиш учун рўйхатдан ўтиш шарт. Ушбу онлайн олимпиадада рейтинг шакллантирилмайди ва унда иштирок этиш мутлақо бепул.