ТОШКЕНТ, 20 дек - Sputnik. Украина ҳарбийларининг кучи тугади ҳамда Aртёмовск ва Соледар ҳудудига ҳужум қилишдан бош тортди. Бу ҳақда Чеченистон раҳбари ёрдамчиси, “Aхмат” махсус кучлари қўмондони Aпти Aлаудинов “Россия 1” телеканали эфирида маълум қилди.
Унинг сўзларига кўра, Россия Қуролли кучлари янги ҳудудларни душмандан озод қилиб, алоқа линиясининг бутун узунлиги бўйлаб яхши суръатда ҳаракатланмоқда.
“Вазиятга эътибор қаратамизки, душман бутунлай оммавий равишда жанговар ҳаракатлардан воз кечишни бошлади. Бизда видеолар бор, улар ҳужум қилишдан бош тортган жангчиларга қарши чиқади ва уларни отади. Бизнинг ҳудудимиздаги душман ҳақиқатан ҳам юз фоиз ҳолдан тойганини тасдиқлаймиз”, - деди Алаудинов.
Aртёмовск Донбассдаги Украина қўшинлари гуруҳини таъминлаш учун муҳим транспорт маркази ҳисобланади. Ҳозир Aртёмовск Украина Қуролли кучлари назорати остида, шаҳар ташқарисида шиддатли жанглар давом этмоқда.
24 февралдан бери Украинада махсус ҳарбий операция ўтказилмоқда. Владимир Путин унинг якуний вазифасини Донбассни озод қилиш ва Россия хавфсизлигини кафолатлайдиган шарт-шароитларни яратиш деб атаган.