ТОШКЕНТ, 19 дек — Sputnik. Қатарда бўлиб ўтган футбол бўйича 2022 йилги жаҳон чемпионатида Аргентина Франция устидан ғалаба қозонди ва уч карра жаҳон чемпиони бўлди.
Аргентина жамоаси тақдирлаш маросимида
© Sputnik / Григорий Сысоев
Шу билан бирга чемпионатнинг энг яхшилари аниқланди. Мусобақанинг энг яхши ўйинчиси номига Аргентина терма жамоаси ҳужумчиси Лионел Месси лойиқ кўрилди. Месси мундиал давомида 7 та гол урди ва учта голли узатмани ёз номига ёздириб қўйди.
Энг яхши ёш ўйинчи сифатида Аргентина футболчиси Энцо Фернандес эътироф этилди.
Энцо Фернандес
© AFP 2023 / FRANCK FIFE
Аргентина дарвозабони Эмилиано Мартинес эса мусобақанинг энг яхши дарвозабонига топшириладиган “Олтин қўлқоп”га муносиб кўрилди.
Франция жамоаси юлдузи ва финалда хет-трик қайд этган Килиан Мбаппе “Олтин бутси”ли бўлди. Футболчи мусобақа давомида 8 та гол уришга муваффақ бўлди.