ТОШКЕНТ, 18 дек — Sputnik. Ўзбекистонлик спортчилар каратэ WKF бўйича ўтказилаётган Осиё чемпионатида навбатдаги олтин медални қўлга киритишди. Бу ҳақда Миллий олимпия қўмитаси хабар берди.
Пойтахтда ўтаётган каратэ WKF бўйича қитъа биринчилигининг тантанали очилиш маросими бўлиб ўтди.
Маросимда сўз олган Насир Ал Разуқи мусобақа давлатнинг қўллаб-қувватлаши билан юқори савияда ташкил этилгани, иштирокчи давлатлар учун барча шароитлар яратилганини таъкидлаб ўтди.
Очилиш маросимидан сўнг кечки дастурдан ўрин олган финал баҳсларига навбат берилди. Регламентга кўра, мусобақада 16-17, 18-21 ёш тоифасидаги соғлом спортчилар, шунингдек, пара каратэчилар ўртасида ғолиб ва совриндорлар аниқланди.
Унда Ўзбекистон терма жамоаси 1 та олтин, 3 та кумуш ва 5 та бронза медалларига эга бўлди.