ТОШКЕНТ, 16 дек — Sputnik. Россиялик таниқли оператор Дмитрий Коробкин Тошкентда талабалар учун маҳорат дарси ўтказди. Бу ҳақда Кинематография агентлиги хабар берди.
Россиялик оператор, режиссёр, актёр ва сценарий муаллифи Дмитрий Коробкин БДКИ тошкент филиалининг операторлик йўналиши талабалари учун маҳорат дарси ўтди.
Ижодкор ўзининг бой тажрибасини ёш операторлар билан ўртоқлашди. Жонли мулоқот замонавий кинематографиядаги янги йўналишлар, камера ва актёрлар билан ишлаш маҳорати, картинани тасвирга олишдаги ечимлар ҳақидаги қизиқарли савол-жавоблар билан ўтди.
Дмитрий Коробкин
© Кинематография агентлиги
Маълумот учун, Дмитрий Коробкин “Владимир маркази”, “Кечир”(Ўзбекистон), “Охирги муддат”, “Ярослав. Минг йил аввал”, “Қушлар қўшиғи” (Қозоғистон) фильмларида оператор, “Шивирлаш”, “Шивирлаш. Катта иш” фильмларида актёр ва режиссёр, “Клерк” фильмининг сценарий муаллифи ҳисобланади.