ТОШКЕНТ, 15 дек — Sputnik. Янги Ўзбекистон боғи қишки мавсум учун очилди. Бу ҳақда боғ маъмурияти хабар берди.
Қайд этилишича, бугундан "Янги Ўзбекистон боғи" ташриф буюрувчилар учун ўз фаолиятини бошлади.
Энг кичик ёшдаги ташрифчилар учун илк қишки тадбирлар - келаётган дам олиш кунларидан (17-18 декабрь) "Карнавал" ҳудудида бошланади.
“Янги Ўзбекистон” боғи
© “Янги Ўзбекистон” боғи
“Сизлар учун кўплаб кўнгилочар дастурлар ва танловлар тайёрлаб қўйилган”, - дейилади хабарда.
Эслатиб ўтамиз, боғ 5 декабрь куни вақтинча ёпилган эди. Ҳудудда профилактика ишлари олиб борилди. "Янги Ўзбекистон" боғидаги "Истиқлол" мажмуаси ҳам Янги йил байрамига тайёргарлик ишлари сабабли вақтинча ёпилганди.