ТОШКЕНТ, 10 дек — Sputnik. Ўзбекистон терма жамоаси халқаро Гран-при мусобақасини 3та медалб билан якунлашди. Бу ҳақда Ўзбекистон Миллий паралимпия қўмитаси хабар берди.
Саудия Арабистони пойтахти Ар-Риёд шаҳрида пара таэквондо бўйича ўтказилган халқаро Гран-при мусобақаси ўз якунига етди.
Ушбу мусобақада дунёнинг 24 та давлатидан жаҳон рейтингида 1-8 ўринларда бораётган 80 нафар спортчи иштирок этди.
Йилнинг сўнгги йирик турнирида Ўзбекистон терма жамоаси аъзолари 3та медалга эга чиқди.
Жумладан, аёллар ўртасида +65кг вазн тоифасида Гулжаной Наимова олтин, 47 кг вазн тоифасида эса Зиёда Исоқова кумуш медалга сазовор бўлди. Шунингдек, эркаклар ўртасида -80 кг вазн тоифасида Асад Тоштемиров ҳам кумуш медаль билан тақдирланди.
Маълумот учун, Ар-Риёд Гран-приси ғолиблари Париж-2024 ёзги Паралимпия ўйинларига 100 рейтинг очко, кумуш медаль соҳиблари 60 очко, бронза медаль соҳиби эса 40 очкога эга бўлади. Бундан ташқари, мусобақада қатнашган спортчиларнинг барчасига 20 рейтинг очкоси тақдим этилади.