ТОШКЕНТ, 8 дек - Sputnik. Россия, Қозоғистон ва Ўзбекистон ўртасидаги уч томонлама газ иттифоқи ғояси ҳеч қандай сиёсий шартларни назарда тутмайди, деди Кремль матбуот котиби Дмитрий Песков. РИА Новости хабарига асосан.
Россия президенти матбуот котиби айрим ОАВларда тарқалган, Ўзбекистон Россия ва Қозоғистон билан тузиладиган газ иттифоқидан воз кечгани ҳақидаги хабарларга изоҳ берди.
Песков айтишига кўра, уч томонлама газ иттифоқи ҳеч қандай сиёсий шартларни назарда тутмайди
"Ҳеч ким сиёсий шартлар эвазига газ бериш ҳақида гапирмаяпти, бу иттифоқни яратиш ғояси контекстида ҳам муҳокама қилинмаяпти. Гап, албатта, тижорат ҳақида кетмоқда, биз давлатлар манфаатлари йўлида мувофиқлаштириш ҳақида гапиряпмиз”, - деди Песков.
Песков айтишига кўра, ушбу келишув иштирокчиларининг барчаси фақат ўзларининг тижорат манфаатлари мақсадида ҳаракат қилишини назарда тутади ва келишув борасида ишлар давом этмоқда.
Россия президентининг матбуот котиби, Владимир Путин мамлакатлар газ транспорти йўналишларини белгилашда, газ инфратузилмасини ривожлантиришда ва табиий газга бўлган ички эҳтиёжни қондиришда ўз ҳаракатларини мувофиқаштиришдан манфаатдор. Ўзаро ҳаракатларни мувофиқлаштириш рентабелликни ошириш ва иштирокчиларнинг манфаатларига мос келади, деб тушунтирди.
Эслатиб ўтамиз, ноябрь ойининг охирида Владимир Путин ва Қосим-Жомарт Тоқаев учрашувидан сўнг Россия газини ҳудудлар орқали ташиш бўйича ҳаракатларни мувофиқлаштириш учун Ўзбекистон иштирокида “уч томонлама газ иттифоқи” ташкил қилиш таклифи ҳақидаги хабарлар пайдо бўлган эди. Ушбу лойиҳа дастлабки босқичда ўзаро мувофиқлаштириш механизмни яратишни назарда тутади.