ТОШКЕНТ, 7 дек — Sputnik. Ўзбекистоннинг Россиядаги элчихонасида Конституция куни арафасида “Ўзбекистон Республикаси Конституциясига ўзгартиш ва қўшимчалар киритиш тўғрисида”ги қонун лойиҳасига бағишланган давра суҳбати бўлиб ўтмоқда.
Ўзбекистоннинг Россиядаги элчихонасининг сиёсий масалалар бўйича маслаҳатчиси Зокир Зоитов Sputnik мухбирининг саволига жавоб бераётиб, янгиланаётган Конституцияда “ногиронлиги бўлган шахслар” терминидан фойдаланилаётганига эътибор қаратди.
“Ўйлайманки, агар Конституцияда бир атама ёзилса, қолган барча бунга амалга қилиб, ундан фойдаланади”, - деди у.
Эслатиб ўтамиз, Бош қомуснинг 39-моддасига ижтимоий ҳимояга оид қуйидагича янги бандларни қўшиш режалаштирилмоқда:
давлат ижтимоий жиҳатдан эҳтиёжманд ва кам таъминланган, уй-жой шароитларини яхшилашга муҳтож бўлган фуқароларни қонунда белгиланган тартибда уй-жой билан таъминлайди;
давлат ногиронлиги бўлган шахсларнинг ҳуқуқ ва манфаатларини амалга ошириш учун зарур тенг шароитларни яратади"
ногиронлиги бўлган шахсларга нисбатан ҳар қандай ажратиб қўйиш, ҳисобга олмаслик, четлатиш, чеклаш ёки ортиқча ён босиш, шунингдек ногиронлиги бўлган шахсларнинг объектлар ва хизматлардан фойдаланиш учун шарт-шароитлар яратишдан бўйин товлаш тақиқланади.