ТОШКЕНТ, 5 дек — Sputnik. Шарқий Европа ва бутун Евроосиёдаги хавфсизли Россиянинг Украинадаги махсус операцияси натижаси ва унинг якунларига кўра эришилган келишувларга боғлиқ бўлади. Бу ҳақда Коллектив хавфсизлик шартномаси ташкилоти (КХШТ) бош котиби Станислав Зась ташкилотнинг Москвадаги Парламент ассамблеяси мажлисида маълум қилди.
“Бутун Шарқий Европа минтақаси ва умуман Евроосиё ҳудудидаги хавфсизлик ҳолати, балки, халқаро хавфсизликнинг бутун архитектураси кўп жиҳатдан махсус ҳарбий операция натижаси ва унинг якунига кўра эришилган сулҳ келишувларига боғлиқ бўлади”, - деди Зась.
У Шарқий Европа минтақасида кескинлик ўсиб бораётгани қайд этилаётганини таъкидлади.
“Албатта, бутун минтақани ҳарбийлаштириш кузатилмоқда”, - деди КХШТ бош котиби.
Аввалроқ Станислав Зась НАТОнинг Украинани қўллаб-қувватлаши можаронинг кенгайишига олиб келиши мумкинлигини таъкидлаганди.
Россия 24 февралдан буён Украинада махсус ҳарбий операция олиб бормоқда. Россия президенти Владимир Путин унинг асосий вазифасини “Киев режими томонидан саккиз йил давомида таҳқирлаш, геноцидга учраган одамларни ҳимоя қилиш” деб атаган. Мамлакат Қуролли кучлари олдида Донбассни озод қилиш ва Россия хавфсизлигини кафолатлаш турибди.