ТОШКЕНТ, 30 ноя — Sputnik. Эрон терма жамоаси бош мураббийи Карлуш Кейруш Қатарда бўлиб ўтаётган жаҳон чемпионати гуруҳ босқичи 3-тур учрашувида АҚШ терма жамоасига қарши ўйинда мағлуб бўлганидан сўнг, жамоасининг орзуси чиппакка чиққанини айтди, деб хабар бермоқда РИА Новости.
“Эл-Тумама” стадионида бўлиб ўтган “В” гуруҳи учрашуви 1:0 ҳисобида Америка жамоаси фойдасига ҳал бўлди. Натижада АҚШ гуруҳда иккинчи ўринни эгаллаб, плей-оффга йўл олди, биринчи ўринни Англия жамоаси эгаллади, Эрон турнирни тарк этди.
“Орзу ўлди. Биринчи бўлим АҚШ термаси тарафда бўлди, улар ўйинни биздан анча яхши бошладилар, ўйинни тезроқ ва яхшироқ назорат қилишди. Улар гол уришга ҳақли эди. Аммо иккинчи бўлимда бунинг акси бўлди. Афсуски, футбол доим гол урмаган жамоани жазолайди. Биз гол ура олмадик ва натижа билан жазоландик. Дуранг ҳам адолатли натижа бўларди. Лекин футболда адолат йўқ”, - дейди Кейруш.
Мутахассис жамоа ҳақиқатнинг юзига тиқ боқиб, кейинги саралаш босқичига яхшироқ тайёрланиши ва янада кучли бўлиб қайтиши кераклигини таъкидлади.