ТОШКЕНТ, 28 ноя — Sputnik. Ўзбекистон ташқи ишлар вазирининг ўринбосари Баҳром Аълоев Россиянинг мамлакатдаги элчиси Олег Мальгиновни қабул қилди. Бу ҳақда ТИВ матбуот хизмати хабар берди.
Учрашувда томонлар сўнгги йилларда кўп қиррали Ўзбекистон-Россия ҳамкорлиги мисли кўрилмаган даражада юқори даражага кўтарилганини мамнуният билан қайд этдилар.
“Давлатлараро ҳамкорликни барча даражаларда ривожлантиришнинг ҳозирги ҳолати ва истиқболлари тўғрисида фикр алмашилди”, - дейилади хабарда.
Таъкидланишича, келгуси тадбирларнинг жадвали ва кун тартиби турли даражаларда кўриб чиқилади. Томонлар халқаро ва минтақавий институтлар доирасида мулоқотни давом эттиришга тайёр эканликларини билдиришди.
Шунингдек, савдо-иқтисодий алоқалар ва саноат кооперациясини фаоллаштириш бўйича таклифлар кўриб чиқилди.