ТОШКЕНТ, 24 ноя — Sputnik. 22 ноябрь куни Россиянинг Ўзбекистондаги савдо вакили ўринбосари Игорь Каминин Коми Республикаси ишбилармонлар делегацияси билан ишчи учрашув ўтказди. Бу ҳақда Россиянинг республикадаги савдо ваколатхонаси матбуот хизмати хабар берди.
Маълум қилинишича, учрашувдаёғоч саноати маҳсулотлари ва қурилиш материаллари ишлаб чиқарувчи иккита “Печора Север Лес” МЧЖ ва ИП “Игнатов”, шунингдек, геотекстил, геогрид, шиша толали тўр, бентонит ва дренаж қоплама ишлаб чиқариш бўйича Россиянинг етакчиларидан бири “КОМИТЕКС ГЕО” МЧЖ иштирок этди.
Шундай қилиб, учрашув доирасида томонлар республика бозорига кириш ва ишлаш истиқболларини муҳокама қилдилар. Вилоят вакиллари, ўз навбатида, Тошкент шаҳрида маҳаллий ишлаб чиқарувчиларнинг кўргазма залини очиш режалари билан ўртоқлашди.
Маълум қилинишича, Коми делегациясининг Тошкентга ташрифи 25 ноябрга қадар давом этади.