ТОШКЕНТ, 22 ноя — Sputnik. Ўзбекистон Либерал-демократик партияси Сиёсий Кенгаши Ижроия қўмитаси раиси Актам Хаитов Озарбайжон президенти Илҳом Алиев билан учрашди.
Мулоқот чоғида “Янги Озарбайжон” партияси ва Ўзбекистон Либерал-демократик партияси ўртасидаги самарали ҳамкорлик ва ўзаро ташрифлар муҳимлиги таъкидланди.
Актам Хаитов ўз сўзида президент Шавкат Мирзиёевнинг “Янги Озарбайжон” партиясининг 30 йиллиги муносабати билан йўллаган табригини етказди.
Президент Илҳом Алиев жорий йилда Ўзбекистонга уч марта ташриф буюрганини қайд этиб, Шавкат Мирзиёев билан учрашувларини мамнуният билан эслади.