ТОШКЕНТ, 21 ноя — Sputnik. Ўзбекистон президенти Шавкат Мирзиёев Франция президенти Эммануэл Макроннинг таклифига биноан расмий ташриф билан ушбу мамлакатга борди. Бу ҳақда президент матбуот хизмати хабар берди.
Давлат раҳбарини Франция юқори мартабали расмий шахслари кутиб олишди.
Мирзиёев ташриф доирасида Франция президенти билан учрашади. Унда икки томонлама ҳамкорликни ривожлантириш масалалаои муҳокама қилинади, жами 14 та муҳим ҳужжат имзоланади.
Президент, шунингдек, Лувр музейи ва Араб дунёси институтида ўтказиладиган кўргазмалар очилишида иштирок этиши кўзда тутилган.