ТОШКЕНТ, 11 ноя — Sputnik. Вазирлар Маҳкамаси биносида қуввати 630 кВт бўлган қуёш фотоелектр станцияси ишга туширилди. Бу ҳақида Энергетика вазирлиги хабар берди.
Мазкур қуёш фотоелектр станцияси йилига 1,1 млн кВт-соатдан зиёд электр энергияси ишлаб чиқаради.
Вазирлар Маҳкамаси
© Энергетика вазирлиги
“Станция Вазирлар Маҳкамаси биносини кундуз куни тўлиқ электр энергияси билан таъминлайди. Шу билан бирга, эҳтиёжидан ортган қисмини ҳудудий электр тармоқларига узатиш имконияти ҳам яратилди”, дейилади хабарда.
Вазирлар Маҳкамаси
© Энергетика вазирлиги
Ушбу станция президент раислигида қайта тикланувчи энергия манбаларидан фойдаланишни кенгайтириш масалалари бўйича ўтказилган видеоселектор йиғилишидаги топшириқлар ижроси юзасидан амалга оширилди.
Энергетика вазирлиги ушбу ташаббусга барча вазирлик ва идоралар ҳам қўшилишларини сўрамоқда.