ТОШКЕНТ, 11 ноя — Sputnik. Томск политехника университети мутахассислари маҳаллий полимер материаллардан сунъий қон томир ишлаб чиқариш технологиясини яратишди. Бу ҳақида РИА Новости хабар берди.
Гап ҳар хил турдаги полимерлардан сунъий томирларни "ишлаб чиқариш" учун мўлжалланган тизим ҳақида кетмоқда.
Айтилишича, бундай имплантлар қон томирининг ички ташкил этилишини ва унинг бемор организмидаги хатти-ҳаракатларини тақлид қилади. У хорижий аналогларга қараганда аниқроқ ва арзонроқ туради.
“Биз ишлаб чиққан технология оддий, осон кенгайтириладиган ва диаметри 1 миллиметрдан 40 миллиметргача бўлган сунъий томирлар ишлаб чиқариш имконини беради. Бу унинг ёрдами билан нафақат катта асосий артерияларни, балки кичик томирларни ҳам яратишга имкон беради”, дейди лойиҳа раҳбари Евгений Больбасов.
Унинг айтишича, маҳсулотлар сифат жиҳатидан бугунги кунда олтин стандарт деб ҳисобланган Америка ва Франция ишлаб чиқариш томирларидан қолишмайди.
Бундан ташқари, нафақат томирлар, балки шартли найча шаклига эга бўлган сунъий ўт йўллари, сийдик йўллари, ҳалқум, трахея имплантларини ҳам ишлаб чиқариш мумкин.