ТОШКЕНТ, 10 ноя — Sputnik. Туркий давлатлар ташкилотига Омуралиев Кубаничбек Қосимович янги бош котиб этиб тайинланди.
Туркий давлатлар ташкилоти Бош котиби вазифасини бажариб келган Амреев Боғдод Култаевичнинг ваколат муддати тугади.
Маълумот учун, ташкилот Бош котиблиги муддати — уч йил.
Омуралиев 62 ёшда. У Қирғизистон қишлоқ хўжалиги институтини муҳандис-механик мутахассислиги бўйича тамомлаган. Ҳозир у Қирғизистоннинг Туркиядаги элчиси.
Эслатиб ўтамиз, Самарқанд шаҳрида Туркий давлатлар ташкилотининг биринчи саммити бўлиб ўтмоқда.