ТОШКЕНТ, 10 ноя — Sputnik. Дубай барча карантин талабларини бекор қилди. Бу ҳақида Uzbekistan Airways хабар берди.
Эндиликда Дубайга кириш учун саёҳатчилардан COVID-19га қарши эмланганлик тўғрисидаги сертификат ёки PZR-тестларни тақдим этиш талаб этилмайди.
Шунингдек, Шаржага кириш учун карантин талабларига ўзгартиришлар киритилиши кутилмоқда.
Эслатиб ўтамиз, аввалроқ Саудия Арабистони ҳукумати бир марталик визанинг амал қилиш муддатини бир ойдан уч ойгача узайтирганди. Унга кўра, 90 кун муддатли бир марталик визани энди Саудия Арабистонига ҳар қандай мақсад билан келаётган хорижлик саёҳатчилар олишлари мумкин.