ТОШКЕНТ, 1 ноя — Sputnik. Ўзбекистонда Россиянинг “Ақл кучи” Халқаро гуманитар лойиҳасининг бориши муҳокама қилинмоқда. Бу ҳақда Россия Федерациясининг Маориф вазири Сергей Кравцов Sputnik мухбири билан интервьюда маълум қилди.
“Физика ва математика йўналиши бўйича “Ақл кучи” лойиҳасини амалга оширмоқдамиз. Бугунги кунда кўп нарса аниқ фанларга боғлиқ – иқтисодиётнинг ривожланиши ҳам, янги тадқиқотлар ҳам. Шунинг учун биз бу ерда ўз тажрибамизни баҳам кўришга тайёрмиз”, - дейди вазир.
Эслатиб ўтамиз, “Ақл кучи” Ўзбекистон, Қирғизистон ва Тожикистонда амалга ошириляпти. Лойиҳа доирасида Марказий Осиё давлатлари мактабларига физика ва математика бўйича қўшимча машғулотлар олиб борадиган россиялик ўқитувчилар келади.
Ўзбекистонда лойиҳада иштирок этаётган мактаб ўқувчилари аллақачон физика ва математика бўйича лойиҳа мутахассисларининг видеолавҳаларини томоша қилиш мумкин бўлган, QR-кодлар билан жиҳозланган иш дафтарларини олишган.
“Ақл кучи” ташаббуси Россия Маориф вазирлиги ёрдамида амалга ошириляпти. В.Г. Короленко номидаги Глазов давлат педагогика институти лойиҳа оператори сифатида иштирок этмоқда.