ТОШКЕНТ, 29 окт - Sputnik NASA эълон қилган кулиб турган қуёш сурати тармоқларда кенг оммалашди. Мутахассисларнинг айтишларича, бу қуёшда циклик чақнаш ҳодисалари фаоллашганидан далолат беради.
Чақнашлардан ажралиб чиқаётган плазма ерда магнит бўронлар фаоллигини оширади. Магнит бўронлар орбитадаги сунъий йўлдошлар, радиотармоқлар ва GPS ишига хавф туғдиради.
Хусусан, 30-31 октябрь кундуз кунлари республика ҳудудларида 4 баллик магнит бўрон хавфи эълон қилинмоқда. Бу юқори даражали хавф эмас, аммо кўпчилик ўзида унинг таъсирини билинар билинмас ҳис қилиб туради.
Шунингдек, 30 ва 31 октябр кунлари ҳудудларга паст босимли ҳаво оқими келиши кутилмоқда. Бу циклоник жараён бўлиб, атмосфера босими пасайишига олиб келади.