ТОШКЕНТ, 29 окт — Sputnik. Давлат тест маркази умумтаълим фанларидан тавсия этилган дарсликлар рўйхатини эълон қилди.
Рўйхатдан 2022-2023 ўқув йилида олий таълим муассасаларининг бакалавриат таълим йўналишларига кириш тест синовларига тайёргарлик кўриш учун тавсия этилган дарсликлар ва ўқув адабиётлари жой олган.
Тавсия этилган ўқув адабиётлар рўйхати Халқ таълими вазирлиги ва Қорақалпоғистон Республикаси Халқ таълими вазирлиги томонидан тавсия этилган ўқув адабиётлар рўйхати асосида шакллантирилган.
Дарсликлар рўйхати билан Давлат тест марказининг расмий веб-сайтида тегишли фан ва тилни танлаган ҳолда танишиш мумкин.