Орол ҳудудида йирик газ конлари очилиши мумкин

“Росгеология” Орол денгизи акваторияларида геологик-разведка ишларини олиб борган.
Sputnik
ТОШКЕНТ, 26 окт - Sputnik “Росгеология” геологик разведка мутахассислари Орол денгизи ва унга туташ ҳудудларини ўрганишди. Экспертларнинг маълум қилишича, минтақада йирик газ конларини очиш имконияти бор.
Бу ҳақида Россия ва Ўзбекистон ўртасидаги иқтисодий ҳамкорлик бўйича ҳукуматлараро комиссия йиғилишида комиссия ҳамраиси, Россия саноат ва савдо вазири Денис Мантуров маълум қилди.

“Геология ва ер қаъридан фойдаланиш бўйича қўшма лойиҳаларга жиддий эътибор қаратиш лозим. Бизнинг “Росгео” компаниямиз Орол денгизи ва унга туташ ҳудудларда кенг миқёсли геология-разведка ишлари олиб борди. Натижалар минтақада йирик газ конларини яратиш имкониятини билдирмоқда”, - дейди у.

Бундан ташқари, Денис Мантуров Россиянинг “Газпром” компанияси “Шахпахты” ва “Джел” конларини ишлаб чиқараётганини маълум қилди.