ТОШКЕНТ, 26 окт - Sputnik. МДҲ давлатлари разведка хизматлари раҳбарларининг йиғилишида хорижий нодавлат нотижорат ташкилотларининг минтақадаги беқарор қилишга уринишларига қарши қўшимча чора-тадбирлар ишлаб чиқилди, деб хабар қилди Россия ФХХга асосан РИА Новости.
Қайд этилишича, чоршанба куни Москвада МДҲ давлатлари хавфсизлик идоралари ва разведка хизматлари раҳбарлари кенгашининг 51-йиғилиши бўлиб ўтган. Делегация раҳбарлари Россия президенти Владимир Путин билан ҳам учрашган.
"Учрашув давомида Ҳамдўстлик ҳудудида ижтимоий-сиёсий вазиятни беқарорлаштириш мақсадида "юмшоқ куч" воситаларидан фойдаланаётган хорижий нодавлат, нотижорат ва халқаро ташкилотларнинг бузғунчи фаолиятига биргаликда қарши курашиш бўйича қўшимча чора-тадбирлар ишлаб чиқилди. Кенгаш аъзолари ахборот соҳасида ҳам мамлакатларга хавф солаётган таҳдидлар кучайишини биргаликда баҳолаш ва прогноз қилишга келишиб олишди”, - дейилади хабарда.
Мазкур келишувларни амалга ошириш механизмларини такомиллаштириш мақсадида Илмий-техникавий ҳамкорлик, Гиёҳвандлик воситалари ва психотроп моддаларнинг халқаро ноқонуний айланишига қарши курашиш, ахборот хавфсизлиги, соҳада ҳамкорлик бўйича кенгаш ҳузуридаги ишчи органларнинг йиғилишлари ўтказилгани алоҳида таъкидланди. Дастлабки тергов ва хорижий нодавлат нотижорат ва халқаро ташкилотларнинг бузғунчи фаолиятига қарши курашиш соҳасида.
“Ҳамдўстлик аксилтеррор маркази раҳбари МДҲга аъзо давлатлар ваколатли органларининг қўшма аксилтеррор машғулотлари якунлари тўғрисида маъруза қилди ва марказнинг келгуси йил учун иш режасини аъзоларига тақдим этди. Иш якунлари бўйича кенгаш йиғилишининг якуний ҳужжати ва турли йўналишлар бўйича кенгаш қарорлари ҳамдўстлик мамлакатлари хавфсизлик идоралари ва махсус хизматлари ўртасида ҳамкорлик қилиш тўғрисида имзоланди”, — дейилади хабарда.