ТОШКЕНТ, 21 окт — Sputnik. Aгар Россия президенти Владимир Путин G20 саммитида шахсан иштирок этишга қарор қилса, Индонезия унинг америкалик ҳамкасби Жо Байден билан учрашувини ташкил этишга тайёр. Бу ҳақда Индонезиянинг Москвадаги элчиси Хосе Aнтонио Морато Таварес РИA Новости агентлигига берган интервьюсида маълум қилди.
“Индонезия буни қилишдан жуда хурсанд бўларди. Биз буни аввал ҳам қилганмиз. Масалан, Камбоджадаги можаро пайтида Индонезия Жакартада ўша пайтда қарама-қарши бўлган Вьетнам ва Камбоджа раҳбарлари ўртасида норасмий учрашувлар ташкил қилган. Улар коктейллар билан бошлашди, лекин бу муносабатлар ривожланишига туртки бўлганди. Бу бирон нарсани дарҳол ҳал қилади, деб ваъда бермаймиз, лекин шунчаки бир-бири билан гаплашиш мунозараларни олдинга силжитишга ёрдам беради”, дейди дипломат.
Унинг қўшимча қилишича, Жакарта Путинга таклифнома юборган, аммо иштирок этиш қарори Москвада қолади.
“Индонезия президенти шахсан Москвага Россияни саммитда иштирок этишга таклиф қилиш учун келган. Россия G20 аъзоси сифатида бошқа ҳар қандай давлат ёки иттифоқ каби муҳим. Бундан ташқари, Индонезия таклифномаларни қайтариб олишга ҳақли эмас – лекин биз мезбон давлат сифатида қўшимча иштирокчиларни таклиф қилишнинг мутлақ ҳуқуқига эгамиз”, дея хулоса қилди элчи.