ТОШКЕНТ, 16 окт - Sputnik. Баҳрайнда ўтаётган оғир атлетика бўйича Осиё чемпионатида Ўзбекистон терма жамоаси аъзоси Шарофиддин Амриддинов 1 та олтин ва 2 та кумуш медалларни қўлга киритди. Бу ҳақда Миллий олимпия қўмитаси матбуот хизмати хабар берди.
Шарофиддин Амриддинов
© Миллий олимпия қўмитаси матбуот хизмати
“-102 кг вазн тоифасида қатнашган ҳамюртимиз Шарофиддин Амриддинов 1 та олтин ва 2 та кумуш медалларни қўлга киритди”, - дейилади хабарда.
Қайд этилишича, Амриддинов даст кўтариш машқида 172 кг билан Токио-2020 Олимпиадаси чемпиони қатарлик Элбаҳ Фаресни ҳам ортда қолдириб, олтин медал соҳибига айланган.
Шарофиддин Амриддинов
© Миллий олимпия қўмитаси матбуот хизмати
Силтаб кўраришда 196, икки курашда эса 368 кг қайд этган самарқандлик полвон терма жамоаси ҳисобига яна 2 кумуш медални келтирган.
Аввалроқ, оғир атлетика бўйича Ўзбекистон терма жамоаси аъзоси Турсуной Жабборова Баҳрайнда бўлиб ўтаётган Осиё чемпионатида иккита медални қўлга киритгани ҳақида хабар берган эдик.
Шарофиддин Амриддинов
© Миллий олимпия қўмитаси матбуот хизмати