ТОШКEНТ, 14 окт – Sputnik. МДҲ ижрочи котиби лавозими бош котибликка ўзгартирилди, бу ҳақда бугун Остонадаги саммитда Ҳамдўстлик давлатлари раҳбарлари томонидан тегишли қарор қабул қилинди, дейди Қозоғистон президенти Қосим-Жомарт Тоқаев.
“Сизларга шуни маълум қилмоқчиманки, биз тор доирада МДҲ ижрочи котиби лавозимини МДҲ бош котиби лавозимига ўзгартириш масаласини муҳокама қилдик. Aсосан, ижро этувчи органнинг мақомини ошириш муҳим аҳамиятга эга. Ва бундан ҳам асосийси, гап Сергей Николаевич Лебедев ҳақида кетяпти, у Мустақил Давлатлар Ҳамдўстлиги Бош котиби лавозимини эгаллашга мутлақо лойиқдир. Бош котиб лавозимининг ўзи маълум даражада ва балки катта даражада умумий ташкилотимизнинг мавқеини оширади”, деди Тоқаев.
Маълумот ўрнида, МДҲ давлатлари раҳбарлари Лебедевнинг Ҳамдўстлик ижроия қўмитаси раҳбари сифатидаги ваколатларини уч йиллик муддатга узайтиришга қарор қилди.