ТОШКЕНТ, 13 окт — Sputnik. НAТО бош котиби Йенс Столтенбергнинг ядровий тўсиқ кучларининг машғулотлари ҳақидаги баёнотида унинг қўрқувини ҳис қилиш мумкин, деб ёзмоқда Хитой давлат газетаси “Global Times”.
“Столтенбергнинг баёнотларида қўрқув ҳисси бор – агар НAТО Россия олдида кўксини урмаса, кучсиз бўлиб кўринишдан қўрқиш. Столтенберг ядровий машғулотлар кескинлашувнинг олдини олишнинг энг яхши усули эканлигини айтганида, у НAТОнинг кайфияти аъло эканлигини кўрсатиш учун бор кучини сарфлади”, - дейилади хабарда.
Газетанинг таъкидлашича, НAТО Украинага ёрдам бермаяпти, балки уни ўз-ўзини йўқ қилишга бошламоқда.
11 октябрькуни Столтенберг альянс ядровий тўсиқ бўйича машғулотлар ўтказишни режалаштираётганини маълум қилди. Унинг таъкидлашича, бу Украинадаги можародан олдин ҳам режада бўлган стандарт ва режалаштирилган тадбирлар.
Кремль Москванинг оммавий қирғин қуролларини қўллаш режаси йўқлигини бир неча бор таъкидлаган. Россия етакчиси Владимир Путин ядро урушида ғолиб бўлиши мумкин эмаслигини айтган. Россия Ташқи ишлар вазири Сергей Лавров апрель ойида бундай сценарийнинг “жуда муҳим” хавфлари ҳақида гапирган, бироқ Москванинг принципиал позицияси ядровий кучлардан фойдаланишга йўл қўймаслигини таъкидлаган.