ТОШКЕНТ, 12 окт — Sputnik. НAТО бош котиби Йенс Столтенбергнинг Россиянинг Украинадаги ғалабаси НAТОнинг мағлубиятини англатиши ҳақидаги сўзлари альянснинг можарога аралашганини тасдиқлайди. Россия Хавфсизлик кенгаши раҳбари ўринбосари Дмитрий Медведев шундай фикр билдирди.
“НAТО Бош котибининг Россиянинг ғалабаси Шимолий Aтлантика альянсининг мағлубиятини англатиши ҳақидаги тезиси блокнинг мамлакатимизга қарши урушда иштирок этишининг тўғридан-тўғри тасдиғидир. Айтишганидек, катта ақлдан эмас, чин юракдан. Норвегиялик ҳалол йигит ниҳоят буни тан олди”, - деб ёзди Медведев ўзининг Telegram каналида.
Столтенберг аввалроқ Россиянинг Украинадаги можародаги ғалабаси НAТО учун мағлубият бўлишини айтган эди. Aльянс бош котибига кўра, НAТО Украинада узоқ давом этадиган урушга тайёр бўлиши керак.
Аввалроқ Медведев Россиянинг келажакдаги ҳаракатларидан мақсад Украинадаги сиёсий режимни бутунлай йўқ қилиш бўлиши кераклигини маълум қилган эди.
Россия 24 февраль куни Украинада махсус ҳарбий операция бошланганини эълон қилди. Россия президенти Владимир Путин ушбу операциянинг мақсади саккиз йил давомида Киев режими томонидан таҳқирланган ва геноцидга учраган одамларни ҳимоя қилиш деб атаган.
Бунинг учун Украинани демилитаризация (ҳарбий инфратузилмаларини йўқ қилиш) ва денацификация (миллатчилик ғояларидан тозалаш) қилиш талаб этилади.