ТОШКЕНТ, 12 окт — Sputnik. НAТО Россияга берган ваъдаларининг бир қисмини бажара олмади. Буни Европа Иттифоқи (ЕИ) дипломатияси раҳбари Жозеп Боррель тан олди.
“Кўпчилик, шу жумладан дўстларимнинг НAТО ўз ваъдаларини бажармаганлиги билан агрессияни оқлашига сабаб бўлаётган мулоҳазалар ва далиллар мени қониқтирмайди. Бу мумкин. Бу тарих. Буларнинг ҳеч бири ҳозир содир бўлаётган воқеаларни оқламайди”, - дейди Боррель.
Унинг сўзларига кўра, Украинани ҳимоя қилиш орқали Европа “ўзини ҳимоя қилади”. Сиёсатчи, шунингдек, Европа Иттифоқининг Киев олдида “кўплаб мажбуриятлари” борлигини айтди.
“Улар молиявийдан тортиб ҳарбий ва иқтисодийгача. Ва бу шундай давом этиши керак”, - дея қўшимча қилди Боррель.
Россия 24 февраль куни Украинада махсус ҳарбий операция бошланганини эълон қилди. Россия президенти Владимир Путин ушбу операциянинг мақсади саккиз йил давомида Киев режими томонидан таҳқирланган ва геноцидга учраган одамларни ҳимоя қилиш деб атаган.
Бунинг учун Украинани демилитаризация (ҳарбий инфратузилмаларини йўқ қилиш) ва денацификация (миллатчилик ғояларидан тозалаш) қилиш талаб этилади.