ТОШКЕНТ, 4 окт — Sputnik. Қрим парламентининг халқ дипломатияси ва миллатлараро муносабатлар қўмитаси раҳбари Юрий Гемпелнинг РИА Новостига айтишича, ярим орол Украинадаги можаро ҳақида гапирган америкалик тадбиркор, Tesla ва SpaceX асосчиси Илон Маскнинг ташрифи учун очиқ.
“Қрим ҳар доим Россияники бўлиб келган ва Маск Россия ярим оролига ташриф буюриб, бу ер рус замини эканлигини ҳамда энг қўпол тарихий хато туфайли ҳақиқатан ҳам Украинанинг бир қисми бўлиб қолганини бутун дунёга айтиши мумкин. Биз уни кутиб олишга тайёрмиз”, - деди Гемпель.
Унинг сўзларига кўра, Россия Украинадаги можаронинг олдини олиш ва уни ҳал қилиш вариантларини бир неча бор таклиф қилган, бироқ Киев раҳбарияти ҳам, унинг америкалик ҳомийлари ҳам бунга жиддий ёндашишни истамаган.
"Маскнинг таклифи бироз кечикди. Озод қилинган ҳудудларда одамлар ўзларининг тарихий танловини амалга ошириб, Россия Федерациясининг янги таркибий тузилмалари фуқаролари бўлишди. Маск ўз режасига энг муҳим нуқтани — Киевнинг шартсиз таслим бўлишини таклиф қилиши керак эди. Зеленский сўзсиз таслим бўлади”, - деди Гемпель.
Аввалроқ, Илон Маск Украинадаги можарони Қримни Россия таркибида сақлаб қолиш ва Донбасс, Херсон ва Запорожье вилоятларида БМТ назорати остида такрорий референдумлар ўтказиш орқали ҳал қилиш бўйича ўз қарашларини таклиф қилган эди.