АҚШнинг Жанубий Калифорния университети шифокорлари шакар ўрнини босувчи маҳсулотнинг зарарли хусусиятларидан огоҳлантиришмоқда. Айтилишича, бундай маҳсулотлар хавфли касалликларга олиб келиши мумкин.
Олимлар сичқонларда тадқиқот олиб боришган. Ёш сичқонларга шакар ўрнини босувчи модданинг бир қанча турлари берилган. Маҳсулот кемирувчиларда хотиранинг бузилиши ва мия соҳасида ўзгаришларга олиб келган.
Шунингдек ширинлаштирувчининг метаболизмга ҳам таъсири аниқланган. Бу қандли диабет ва бошқа касалликларни қўзғатиши мумкин
Мутахассислар организмга зарар қилиши мумкин бўлган бир қанча қўшимча моддаларни келтириб ўтишган:
- Сахарин - организм уни ҳазм қилмайди. Уни мунтазам истеъмол қилиш саратонга чалиниш хавфини оширади
- Аспартам- кам калорияли ичимликларда кўп бўлади. Уни чойга қўшиш мутлақо мумкин эмас. Моддани мунтазам истеъмол қилиш жигар ва ўпка саратони касалликларини ривожлантиради, мияни шикастлайди.
- Цикламит- бир қанча мамлакатларда тақиқланган. Буйрак етишмовчилигига олиб келади
- Калий ацесульфами - канцероген ҳисобланади. Газли ичимликларда кўп бўлади.
- Ксилит - калорияси кўп қўшимча модда. Моддалар алмашинувида бузилишларга олиб келади.
Агар шакар ўрнини босувчи маҳсулотда ушбу моддалар бўлса, асло истеъмол қилмаган маъқул.