29 сентябрь куни Тошкентда "Хон атлас 2022" миллий фестивали ўтказилди. Суратда фестивал дирасида парадга чиққан қизлар. Улар эгнидаги кийимига мос равишда бошларига тиллақош ҳам тақишган.
"Хон атлас 2022" миллий фестивали Ўзбекистон учун ноёб платформа бўлиб, дизайн санъати ва миллий саноат билан боғлиқ йўналишларни тақдим этади.
Фестивальда параддан ташқари концерт дастурлари, дизайнерлар тақдимоти, оммавий рақс дастурлари ҳам тақдим этилди.
Фестивал доирасида хотин-қизлар ва қизалоқлардан иорат 200 кишилик хон атлас паради ташкил этилди.Суратда мазкур парад иштирокчилари ва томошабинлар.
Чинакам гўзаллик ва миллий колорит уйғунлашган парадда дизайнерлар томонидан тикилган турли хил кийимлар барчанинг эътиборини тортди.
Бир метр атлас 2,5 ойда тайёр бўлади. Матога руян ўсимлиги, анор пўстлоғи, ўсимлик барги экстракти, пиёз пўсти орқали ранг берилади. матонинг 70 %и қўлда яратилади.
Концерт барчага ўзгача кайфият бахш этди, катта-ю кичик рақсга тушди. Суратда оммавий рақс дастурлари
Фестивал доирасидаги барча тадбирлар “TashkentCity” боғида бўлиб ўтди.