ТОШКЕНТ, 29 сен — Sputnik. Луганск халқ республикаси бир ҳафта ичида Россия Федерацияси таркибига кириши керак. Бу ҳақда ЛХРнинг Москвадаги ваколатхонаси раҳбари Родион Мирошник РИA Новости агентлигига берган интервьюсида маълум қилди.
“Менимча, бу бир ҳафта ичида амалга ошиши керак. Қолган интеграция параметрлари қабул қилинаётган қонунлар ва қабул қилинаётган қарорлар доирасида муҳокама қилинади”, дейди у.
Унинг аниқлик киритишича, энди ушбу тартиб-қоидада Россия Федерацияси қонунчилигида талаб қилинадиган барча параметрларга риоя қилиш зарур.
“Aсосий нарса ўтиб бўлди, референдум бўлиб ўтди. Кейинчалик, биз Россия Федерацияси қонунчилигида талаб қилинадиган барча параметрларга аниқ риоя қилишимиз ва ҳамма нарсани мукаммал бажаришимиз керак. Биз марра чизиғидамиз ва уни бир маънода босиб ўтамиз”, деди Мирошник.
Россия таркибига қўшилиш масаласи бўйича референдумлар 23-27 сентябрь кунлари Донецк ва Луганск халқ республикалари, шунингдек, Херсон ва Запорожье вилоятларида бўлиб ўтди. Сайлов бюллетенларини қайта ишлаш натижаларига кўра, ДХРда - 99,23%, ЛХРда - 98,42%, Херсон вилоятида - 87,05%, Запорожье вилоятида - 93,11% аҳоли улуши Россия Федерациясига қўшилиш учун овоз берган.