ТОШКЕНТ, 28 сен - Sputnik. Донецк халқ республикасининг барча ҳудудлари ҳали озод этилмаган, шунинг учун ҳеч бўлмаганда ДХРнинг бутун ҳудуди озод қилиниши керак, деди Россия президентининг матбуот котиби Дмитрий Песков референдумлардан кейин махсус операциянинг мақсадлари ҳақида гапирар экан.
“Мен сизга мутлақ аниқлик билан айта оламан, сиз Донецк халқ республикасининг барча ҳудудлари ҳали ҳам озод қилинмаганини биласиз. Гап 2014 йил чегараларидаги ҳудуд ҳақида кетмоқда. Шунинг учун, ҳеч бўлмаганда, Донецк халқ республикасининг бутун ҳудудини озод қилиш керак”, деди Песков журналистларнинг Россия янги ҳудудларни қўшиш ҳақидаги ҳужжатни имзолаганидан кейин махсус операция давом эттирилиши ёки эттирилмаслиги ҳақидаги саволига жавобан.
У ЛХР ҳудуди аллақачон озод қилинганини эслатган.
23-27 сентябрь кунлари ДХР ва ЛХРда, шунингдек, Херсон вилояти ва Запорожье вилоятининг озод қилинган ҳудудларида ушбу вилоятларнинг Россия Федерацияси субъекти сифатида Россия таркибига кириши бўйича референдумлар ўтказилди. Юқорида тилга олинган барча ҳудудларда овоз берганларнинг мутлақ кўпчилиги Россия Федерациясига қўшилиш тарафдори бўлган.