ТОШКЕНТ, 27 сен — Sputnik. Украина қўшинлари Энергодар ва унинг чеккаларида ҳужум уюштиришга уриниши мумкин. Бу ҳақда “Биз Россия биланмиз” ҳаракати раиси, Запорожье вилояти маъмурияти бош кенгаши аъзоси Владимир Рогов РИA Новостига маълум қилди.
“Зеленский жангарилари Днепрни Каменка-Днепровская, Энергодар ва унинг чеккалари, Ивановка қишлоғи орқали зўрлик билан босиб ўтишга уриниши мумкин. Шунингдек, улар Запорожье атом электр станциясини эгаллаб олиш режаларини ҳам давом эттирмоқда”, деди Рогов.
Унинг сўзларига кўра, аввалроқ иттифоқчи кучлар Украина қўшинларини қўндиришга бўлган бир неча уринишларни бартараф этган.
“Биз душманнинг режалари ҳақида биламиз ва ўз юртимизни ҳимоя қилишга тайёрмиз”, дейди Рогов.
24 февралдан бери Россия Украинани денацификация ва демилитаризация қилиш бўйича ҳарбий махсус операция ўтказмоқда. Россия президенти Владимир Путин унинг вазифаси “саккиз йил давомида Киев режими томонидан таҳқирланган ва геноцидга учраган одамларни ҳимоя қилиш” деб атаган.
Россия президентининг сўзларига кўра, якуний мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир.