ТОШКЕНТ, 26 сен — Sputnik. Қорақалпоғистон Республикасининг Мўйноқ туманида "Орол балиқларидан 99 тур таомлар" гастрономик фестивали ўтказилади. Бу ҳақида Туризм ва маданий мерос вазирлиги хабар берди.
Фестивал 29–30 сентябрь кунлари бўлиб ўтади.
Фестивалдан қуйидаги тадбирлар жой олган:
Маҳаллий ошпазларнинг балиқ таомларини тайёрлаш бўйича маҳорат дарслари;
Ошпазлар ўртасида беллашув;
Маҳаллий ҳунармандларнинг кўргазмалари;
Миллий эстрада ва фолклор ижрочилари, миллий рақс ансамбли томонидан консерт дастури ва бошқа кўнгилочар тадбирлар намойиши;
Мусобақа ғолибларини тақдирлаш маросими.
Фестивалнинг асосий мақсади Қорақалпоғистонда, хусусан, Мўйноқ туманида ўзига хос бўлган гастрономик туризм салоҳиятини кенг тарғиб қилиш, ҳудудда маданий ва кўнгилочар тадбирлар сонини кўпайтириш ва бу орқали ҳудудга ташриф буюрувчи маҳаллий ва хорижий туристларнинг сонини янада кўпайтиришдан иборат.