Тошкентда “Заковат”нинг Марказий Осиё кубоги учун баҳслар бошланди

ТОШКЕНТ, 24 сен - Sputnik. Бугун Тошкентда “Заковат” ўйинининг спортча версияси бўйича тарихда илк бор Марказий Осиё кубоги баҳслари бошланди. Бу ҳақда "Заковат" интеллектуал клуби хабар берди.

“Заковат”нинг Марказий Осиё кубоги учун баҳслар

Мусобақада Ўзбекистон, Қозоғистон, Қирғизистон, Тожикистон ва Туркманистондан 48 та жамоа иштирок этмоқда.

Мусобақа соврини жамғармаси 200 миллионни ташкил этади ва ғолиблар:

1-ўрин учун – 100 миллион сўм;

2-ўрин учун – 60 миллион;

3-ўрин учун – 40 миллион сўм берилади.

Бош соврин – қимматбаҳо кубок биринчи ва иккинчи ўринларни эгаллаган жамоалар ўртасидаги алоҳида курашда ўйналади.

“Заковат”нинг Марказий Осиё кубоги учун баҳслар

Бугун саралаш ўйинлари бўлиб ўтди, унинг натижаларига кўра, эртага бош совринлар учун кураш олиб борадиган 8 та жамоа аниқланди:

8-ўрин — "КАД" жамоаси (Узбекистон);

7-ўрин – “ЭРУДИТ" жамоаси (Қозоғистон);

6-ўрин — "Гномы-канибалы" жамоаси (Қозоғистон);

5-ўрин – "Пахтакор" жамоаси (Узбекистон);

4-ўрин — “Brain Art” жамоаси (Қозоғистон);

3-ўрин — "Мы" жамоаси (Узбекистон);

2-ўрин — "Мистерия", жамоаси (Узбекистон);

1-ўрин – "Простые работяги" жамоаси (Қозоғистон).

“Заковат”нинг Марказий Осиё кубоги учун баҳслар