ТОШКEНТ, 23 сен – Sputnik. Ўзбекистон Республикасининг Бирлашган Араб Амирликларидаги фавқулодда ва мухтор элчиси этиб тайинланган Абдулазиз Акулов ушбу мамлакат президенти Муҳаммад ибн Зайд Ал-Наҳаёнга ишонч ёрлиқларини топширди.
Ўзбекистон Ташқи ишлар вазирлиги матбуот хизмати хабарига кўра, тантанали маросим Абу-Дабидаги “Қаср Ал-Ватан” қароргоҳида бўлиб ўтган.
Бўлиб ўтган қисқа суҳбат чоғида БАА президенти бугунги кунда Ўзбекистон-БАА муносабатлари жадал ривожланиб, янги амалий мазмун билан бойиб бораётганину таъкидлаган.
Расмий Абу-Даби Ўзбекистон билан ҳамкорликни янада кенгайтириш ва мустаҳкамлаш учун барча чораларини кўришга тайёрлиги қайд этилган.