ТОШКЕНТ, 19 сен — Sputnik. БМТ Москва ва Киев маҳбусларни алмашиш бўйича келишиб олишини кутмоқда. Бу ҳақда ташкилот бош котиби Aнтониу Гутерриш РИA Новостига берган интервьюсида маълум қилди.
“Маҳбуслар алмашинуви ижобий нарса. Бу маҳбусларнинг ўзлари, уларнинг оилалари азобини камайтиради. Мен айтган позиция шуки, бу драмани жуда кўп одамларнинг ҳаётида йўқ қилиш учун маҳбусларни алмашиш идеал бўлади”, деди Гутерриш.
БМТ бундай алмашинувга кўмаклашишга тайёр ёки тайёр эмаслиги ҳақидаги саволга жавоб берар экан, бош котиб шундай деди:
“Одатда биз маҳбуслар алмашинувида қатнашмаймиз – бу Халқаро Қизил Хоч Қўмитасининг ҳуқуқи. Aлбатта, биз Россия ва Украина бу борада имкон қадар кенг келишувга эриша олишини истардик”, дея қўшимча қилди у.
24 февралдан бери Россия Украинани денацификация ва демилитаризация қилиш бўйича ҳарбий махсус операция ўтказмоқда. Россия президенти Владимир Путин унинг вазифасини “саккиз йил давомида Киев режими томонидан таҳқирланган ва геноцидга учраган одамларни ҳимоя қилиш” деб атаган.
Россия президентининг сўзларига кўра, якуний мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир.