Зироат Мирзиёева ва Эмине Эрдоған Самарқанддаги қоғоз фабрикасида бўлишди - фото

Эмине Эрдўғаннинг сўзларига кўра, икки минг йилдан бери сақланиб келаётган Самарқанд қоғози унда ҳайрат уйғотган.
Sputnik
ТОШКЕНТ, 16 сен — Sputnik. Ўзбекистонга расмий ташриф билан келган Туркия президентининг рафиқаси Эмине Эрдоған Зироат Мирзиёева билан учрашди.
Расмий ташрифи чоғида Зироат Мирзиёева Эмине Эрдоған билан Самарқанддаги қоғоз фабрикасида бўлишди.
Зироат Мирзиёева ва Эмине Эрдўған
Улар қоғоз фабрикасида қадимги Самарқанд қоғозини тайёрлаш жараёнлари, ундан таёрланган миллий либослар, шунингдек ўзбек миллий анъаналари билан яқиндан танишишди.
1 / 3
2 / 3
3 / 3
Эмине Эрдўғаннинг сўзларига кўра, икки минг йилдан бери сақланиб келаётган Самарқанд қоғози унда ҳайрат уйғотган.

"Ўзбек қишлоғи музейида сақланиб қолган аждодлар анъаналари билан танишиш имконига эга бўлдим”, дейди Эмине Эрдоған.

Зироат Мирзиёева ва Эмине Эрдўған
Маълумот учун, мазкур қоғоз фабрикаси Конигилнинг асосий диққатга сазовор жойи ҳисобланади. Унинг усталари қадимий технология асосида машҳур Самарқанд ипак қоғозини ишлаб чиқаришади. Фабрика Сиёб дарёси бўйида обод қилинган.
Тут дарахтидан қоғоз тайёрлаш техникаси Самарқандда бундан бир ярим минг йил олдин пайдо бўлган.
Эслатиб ўтамиз, март ойида Ўзбекистон ва Туркия президентларининг расмий учрашуви доирасида Эмине Эрдоған хоним ўзбек миллий анъаналари билан танишганди. Ташриф доирасида хонимлар Тошкентдаги Давлат амалий санъат музейига ташриф буюришган.