ТОШКЕНТ, 16 сен - Sputnik. Халқаро ҳамжамиятга янада инклюзив дунё тартиби керак, деди ШҲТнинг Самарқандда бўлиб ўтаётган саммитида сўзга чиққан Туркия президенти Таййип Эрдўған.
Хусусан, Туркия президенти сўнгги йилларда инсоният улкан чақириқлар дуч келаётганини ва ушбу вазият бир вақтнинг ўзида катта имкониятлар ҳам яратаётганини айтиб ўтди.
Лекин айрим давлатлар ушбу вазиятда "деворлар" қуриб ўзгаларни чеклашга ҳаракат қилаётганини айтиб ўтди. Буларнинг барчаси халқаро ҳамжамиятга ислоҳотлар керак эканини кўрсатмоқда. Хусусан, бизга янада инклюзив дунё тартиби керак, - деди Туркия президенти.
Эслатиб ўтамиз бугун Самарқандда ШҲТ давлат раҳбарлари саммити бўлиб ўтмоқда. Унда 13та давлат раҳбарлари ва 10 дан ортиқ халқаро ташкилотлар етакичлари иштирок этмоқда.
Айтиш жоизки Самарқанд саммити пандемиядан сўнг офлайн форматда ўтказилаётган биринчи учрашувдир. Аксарият давлат раҳбарлари 3 йил ва ундан ортиқ йил давомида илк бор юзма-юз учрашишмоқда.