ТОШКЕНТ, 9 сен — Sputnik. ШҲТ давлат раҳбарларининг Самарқанд саммити минтақавий ва халқаро вазият юзасидан консенсусга эришишга ёрдам беради. Бу ҳақида ташкилот бош котиби Чжан Мин “ТАСС” агентлигига берган интервьюсида маълум қилди.
Қайд этилишича, Шанхай ҳамкорлик ташкилоти давлат раҳбарларининг Самарқандда бўлиб ўтадиган саммити жаҳондаги юқори нотинч вазиятда минтақавий ва халқаро вазият бўйича давлатлар раҳбарлари ўртасида консенсусга эришиш, ШҲТнинг келгуси ривожи, ташкилот доирасидаги ҳамкорликнинг ривожланишига хизмат қилади.
Ташкилотнинг амалдаги раиси сифатида Ўзбекистон Самарқанддаги саммит кун тартибига сиёсат, хавфсизлик, иқтисодиёт, транспорт-коммуникасцияси, гуманитар ҳамкорлик ва бошқа соҳаларда кўплаб таклифларни илгари сурганини эслатди. Ҳозирда барча томонлар бу масалалар юзасидан фаол маслаҳатлашувлар ўтказмоқда.
“Ўйлайманки, ШҲТга аъзо давлатлар сентябрь ойида Самарқандда бўлиб ўтадиган саммитдан юқоридаги масалалар юзасидан фикр алмашиш, консенсус ва ечимларни излаш имконияти сифатида фойдаланади”, дея хулоса қилди Чжан Мин.