ТОШКЕНТ, 9 сен — Sputnik. Таиландда бўлиб ўтган кураш бўйича ўсмирлар ўртасида VII Осиё чемпионати баҳсларида ўзбекистонлик спортчилар ОЧда умумжамоа ҳисобида биринчи бўлишди. Бу ҳақида Спортни ривожлантириш вазирлиги хабар берди.
Таиланднинг Чонбури шаҳрида 4-8 сентябрь кунлари VII Осиё чемпионати бўлиб ўтди.
Унда 12 давлатидан 100 нафардан зиёд иқтидорли полвонлар ғолиблик учун беллашишди.
VII Осиё чемпионати
© Спортни ривожлантириш вазирлиги
“Мусобақада иштирок этган ўзбекистонлик спортчиларнинг 13 нафари шоҳсупанинг энг юқори поғонасига кўтарилишнинг уддасидан чиқди. Осиё чемпионатида яна битта кумуш ҳамда 4 та бронза медалини қўлга киритган ёш курашчиларимиз умумжамоа ҳисобида 1-ўринни эгаллашди”, дейилади хабарда.
Маълумот учун, Осиё чемпионати ғолиблари бугун соат 13:20да Тошкент халқаро аэропортида кутиб олинади.