ТОШКЕНТ, 1 сен — Sputnik. Россиянинг Украинадаги ғалабаси Ғарбнинг обрўсига путур етказади. Бу ҳақда Финляндия парламентининг ташқи ишлар қўмитаси раиси Юсси Халла-ахо таъкидлади.
Депутатнинг тушунтиришича, махсус операциядаги муваффақият Москва якка ўзи бутун Ғарбни, жумладан, АҚШ ва Европани эгаллаб олиши мумкинлигини дунёга кўрсатади.
“Бу Европа ва бутун Ғарб ижтимоий тизими, масалан, ҳозир бу ерда содир бўлаётган воқеаларни диққат билан кузатиб бораётган учинчи дунё давлатларининг имиджига қандай таъсир қилади?” - деган Халла-ахо Yle" нашри билан суҳбатда.
Унинг таъкидлашича, Европа ва Қўшма Штатлар Украинага ҳарбий, иқтисодий ва сиёсий ёрдам кўрсатиб, бу вазиятда аниқ томонни танлаган.
24 февралдан бери Россия Украинани денацификация ва демилитаризация қилиш бўйича ҳарбий махсус операция ўтказмоқда. Россия президенти Владимир Путин унинг вазифаси “саккиз йил давомида Киев режими томонидан таҳқирланган ва геноцидга учраган одамларни ҳимоя қилиш” деб атаган. Россия президентининг сўзларига кўра, якуний мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир.