Тиббиёт фанлари номзоди, шифокор-парҳезшунос Елена Соломатина қовун ва тарвузнинг фойдали хусусиятларини айтди
“Тарвуз таркибида ликопин кўп. Шунинг учун у қизил рангда. Ликопин кучли антиоксидант бўлиб, организмни эрта қаришдан асрайди. Юрак-қон томир тизими учун фойдали, саратон касалликларининг олдини олади ва яллиғланишларни бартараф этади. Қовунда эса С витамини тўрт баробар кўп. Бу витамин ҳам антиоксидант ҳисобланади. Худди ликопин каби С витамини ҳам организм қаришини секинлаштиради, саратон ўсмалари ривожланишига йўл қўймайди”.
Шунингдек, мутахассиснинг айтишича, қовун таркибида яна бир кучли антиоксидант-бета каротин бор. Агар қовун тўқ сариқ рангда бўлса, демак унда бето-каротин антиоксиданти шунча кўп бўлади.
Шифокорнинг айтишича, иккала мева ҳам тетиклантирувчи хусусиятга эга.
“Тарвуз таркибида цитруллин аминокислотаси бор. Бу модда спортчилар учун биологик фаол қўшимча сифатида сотилади. Цитруллин чидамлиликни оширади, қон айланишини яхшилайди, мушакларни шикастланишлардан асрайди. Қовун таркибида эса сератонин- яъни роҳат гормони бор”, - дейди Соломатина.
Иккала мева таркибида ҳам магний, калий мавжуд. Калий юракка зарур, магний эса қон босими ошмаслиги учун томирлар саломатлиги учун муҳим. Шунингдек, магний моддаси суяклар саломатлигида ҳам аҳамиятли.