ТОШКЕНТ, 24 авг — Sputnik. Вақт Украинага қарши. Бу ҳақда Америка Қўшма Штатлари Миллий хавфсизлик кенгашининг стратегик алоқалар бўйича мувофиқлаштирувчиси Жон Кирби маълум қилди. CNN телеканалига берган интервьюсида.
“Биз биламизки, вақт Украина томонида эмас. Биз шошилинч вазиятни тушунамиз ва бунга риоя қилишга ҳаракат қиламиз”, - деди Кирби CNN телеканалига берган интервьюсида. Унинг сўзларидан иқтибос келтирган РИА Новости.
Жон Кирбининг сўзларига кўра, Қўшма Штатлар ва иттифоқчилари Украинага ёрдам беришнинг янги усулларини излашдан воз кечмайди.
Маълумот учун, Россия президенти Владимир Путин Ғарб Россия билан сўнгги украиналиккача жанг қилмоқчилиги ва бу бутун Украина халқи учун фожиалигини айтган эди.
Россия Хавфсизлик Кенгаши раиси ўринбосари Дмитрий Медведевнинг таъкидлашича, Қўшма Штатлар Россиянинг махсус операциясига жавобан “ишончнома орқали уруш” эълон қилган ва Украинани қурол-яроғ билан таъминлаб келмоқда. Вашингтон вазиятдан ўз манфаатлари йўлида фойдаланмоқда.
Россия президенти матбуот котиби Дмитрий Песков АҚШнинг Украинага қурол-яроғ етказиб бериши Киевнинг тинчлик музокараларини қайта бошлаш истаги пайдо бўлишига ёрдам бермаслигини таъкидлаганди.