ТОШКЕНТ, 24 авг — Sputnik. Агар Ғарб ва Украина етакчиси Владимир Зеленский ўз ҳаракатларида такаббурликка йўл қўймаганида Украинадаги можаронинг олдини олиш мумкин эди. Бу ҳақда “19FortyFive” нашри учун Даниел Дэвис ёзмоқда.
“Ғарбнинг такаббурлиги ва Зеленскийнинг объектив воқеликка асосланган онгли қарорлар қабул қилишни истамаслиги Украинани деярли олдини олиш мумкин бўлган можарога маҳкум қилди”, дейилади нашрда.
Муаллиф Россия президенти Владимир Путиннинг НАТОнинг шарққа қараб олға ҳаракатланиши қизил чизиқ бўлиб, ўзида “жиддий провокация”ни акс эттириши ҳақида бир неча бор огоҳлантирганини эслатган.
Дэвиснинг таъкидлашича, Путин ўз мамлакати манфаатлари йўлида ҳаракат қилишда давом этади, Вашингтон ва Брюссель эса мамлакати НАТОга кирмайдиган Зеленскийнинг ҳиссий илтижоси туфайли ёмон қарор қабул қилинишига йўл қўймаслиги керак эди.
Россия 24 февралдан бери Украинада ҳарбий махсус операция ўтказмоқда. Россия президенти Владимир Путиннинг сўзларига кўра, якуний мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир. Иттифоқчи кучлар аллақачон Луганск Халқ Республикаси ва Донецкнинг муҳим қисмини, жумладан, Волноваха, Мариуполь ва Святогорскни тўлиқ озод қилган.