ТОШКЕНТ, 23 авг — Sputnik. Ўзбекистонда Марказий Осиё мамлакатларида ягона ҳисобланган қуввати 2-15 МВтгача бўлган гидроагрегатларни ишлаб чиқарилади. Бу ҳақида “Ўзбекгидроэнерго” хабар берди.
“Ўзбекгидроэнерго” ва “Zhejiang Jinlun Electromechanic Co., Ltd.” компанияси ўртасида гидроагрегатларни Ўзбекистонда ишлаб чиқаришни йўлга қўйиш бўйича Ҳамкорлик меморандумини имзоланди.
Ушбу келишув инновацион лойиҳалар асосида локализация ва маҳаллийлаштириш дастури доирасида амалга оширилади.
“Ушбу ҳамкорлик доирасида юқори инновацион технологик қурилмаларнинг мамлакатимиз гидроенергетик соҳасида илк бор ишлаб чиқарилиши йўлга қўйилади”, дейилади хабарда.
Мазкур хорижий компания нафақат республиканинг гидроэнергетика соҳаси учун гидроагрегатларни ишлаб чиқаради, балки қўшни давлатлар – Қозоғистон, Қирғизистон, Тожикистон, Афғонистон ва бошқа давлатлар учун ҳам гидроагрегатлар ишлаб чиқаради.
Қайд этилишича, гидроагрегатлар “Ўзбекгидроенерго”нинг тизим ташкилоти ҳисобланган “Сувсаноатмаш” АЖ заводида ишлаб чақарилади.