ТОШКЕНТ, 23 авг — Sputnik. Тошкентдаги “ЖАР” стадионида “Mirabror Usmanov Memorial Cup-2022” турнирининг очилиш маросими ўтказилди. Тадбир доирасида Ўзбекистон ва Эрон ўсмирлар жамоалари ўйини бўлиб ўтди. Бу ҳақда Спортни ривожлантириш вазирлиги хабар берди.
Ўйиннинг 72-дақиқасига келиб Ризо Ганди Пур эронликларни ҳисобда олдинга олиб чиқди.
Ўзбекистон ва Эрон жамоалари ўртасидаги учрашув дуранг билан якунланди
© Ўзбекистон Футбол Ассоциацияси
Бироқ асосий вақтга ҳакам томонидан қўшиб берилган дақиқаларда, Аминбек Ёқубов ҳисобни тенглаштирди - 1:1.
Шу тариқа, Oʻzbekiston U-16 турнирни 1 очко билан бошлади.
Маълумот учун, хотира турнирида Ўзбекистон, Япония, Эрон ва Тожикистон ўсмирлар терма жамоалари иштирок этмоқда. Учрашувлар “ЖАР”, “Пахтакор”, “Қибрай” стадионлари ҳамда “Бунёдкор” футбол академияси майдонларида ўтказилди.